my5
all

Тошкентда 23 нафар бемор тузалди, улар орасида ҳомиладор аёллар бор

САЛОМАТЛИК 03.05.2020, 16:42
Теглар: коронавирус, бемор
865
Тошкентда 23 нафар бемор тузалди, улар орасида ҳомиладор аёллар бор

Тошкент тиббиёт академиясининг  кўп тармоқли клиникасидан 14 нафар, Вирусология илмий-текшириш институти клиникасидан 7 нафар ҳамда Тошкент шаҳридаги 3-сонли туғруқ мажмуасидан 2 нафар коронавирус инфекциясига чалинган беморлар бутунлай соғайди. Улар Соғлиқни сақлаш вазирлиги масъуллари иштирокида Республика ихтисослаштирилган терапия ва тиббий реабилитация илмий-амалий тиббиёт марказига кузатилди. Бу ҳақда Соғлиқни сақлаш вазирлиги хабар берди.

Тошкент тиббиёт академиясининг  кўп тармоқли клиникасидан соғайганларнинг 5 нафари Тошкент шаҳридан, 3 нафари Тошкент вилоятидан, 1 нафардан Хоразм, Сирдарё, Андижон, Наманган, Бухоро ва Қашқадарё вилоятларидан. Уларнинг 8 нафари Истамбул – Тошкент йўналишида, 2 нафари Москва – Тошкент йўналишида юртимизга келишган ва карантинга олинган. Касаллик аниқлангач, мазкур клиникага ётқизилган. Қолган 4 нафари эса коронавирус инфекциясига чалинганлар билан мулоқотда бўлиб, касалликни юқтириб олган. Беморларнинг 4 нафари эркак, 10 нафари аёл бўлиб, энг ёши каттаси 49 ёшда бўлса, энг ёши кичиги 14 ёшда.

Вирусология илмий-текшириш институти клиникасидан тузалганларнинг 5 нафари Тошкент шаҳридан, 1 нафардан Тошкент ҳамда Жиззах вилоятларидан. Уларнинг 6 нафари эса коронавирус инфекциясига чалинганлар билан мулоқотда бўлиб, касалликни юқтириб олган. 1 нафари эса Қозоғистон Республикасидан келган ва карантинга олинган. Касаллик аниқлангач, мазкур клиникага ётқизилган. Беморларнинг 4 нафари эркак, 3 нафари аёл бўлиб, энг ёши каттаси 43 ёшда бўлса, энг кичиги 8 ёшда.

Тошкент шаҳридаги 3-сонли туғруқ мажмуасидан соғайиб чиққан 2 ҳомиладор аёл Тошкент шаҳридан бўлиб, 1 нафари 27 ёшда, яна 1 нафари 24 ёшда. Улар коронавирус инфекциясига чалинганлар билан мулоқотда бўлиб, касалликни юқтириб олган. Айни пайтда уларнинг ҳомиласи яхши ривожланмоқда.  

Тошкент шаҳрида шу пайтга қадар 409 нафар бемор соғайган бўлса, эндиликда улар 432 нафарга етди.  

Айни пайтга қадар мамлакатимиз бўйлаб коронавирус инфекциясидан бутунлай соғайганлар 1301 нафарга бўлди.

Шарҳлар

Самарқанд ва Тошкентда ҳам 14 нафар бемор дардни ортда қолдирди

05.05.2020, 14:22

Самарқанд вилоятида 10 нафар, Тошкент шаҳридаги Вирусология илмий-текшириш институти клиникасида 4 нафар, жами 14 нафар коронавирус инфекциясига чалинган бемор бутунлай соғайиб, реабилитацияга кузатилди. Бу ҳақда...
Коронавирусдан шифо топган бемор клиника эшигига хат ёзиб қолдирди

03.04.2020, 22:58

COVID-19 инфекциясидан шифо топган Ник Браун исмли инсон ўзи даволаниб чиққан Огайо клиникасининг эшигига хат ёзиб қолдирди. Бу ҳақда The Mirror хабар берди.38 ёшли бу эркак коронавирус...
Тошкент шаҳридаги «Ибн Сино» номли 1-сон клиник шифохонаси билан боғлиқ аудиолар юзасидан ССВ расмий ахборот берди

22.03.2020, 18:22

Бугун ижтимоий тармоқларда Тошкент шаҳридаги «Ибн Сино» номли 1-сон клиник шифохонаси билан боғлиқ аудиолар тарқалди. Унда коронавирусга чалингани тахмин қилинган бемор шифохонага жойлаштирилишига қаттиқ қаршилик...
Тестлар ҳам адашиши мумкин

22.03.2020, 18:04

Санитария-эпидимиологик осойишталик агентлиги директори Баҳром Алматовнинг маълум қилишича, Хоразмдаги беморда дастлабки текширув натижалари у коронавирусга чалинганини кўрсатган ва  коронавирус беморлари рўйхатига киритилган.  Такрорий текширувда, бошқа...
Кун мавзуси: коронавирус
Об-ҳаво: Ташкент
+31° ясно
Валюта курси
10173.38
USD 0.62
11411.48
EUR 43.42
145.97
RUB -0.42