Австралия табиий офат исканжасида (Фото)

ДУНЁ 07.01.2020, 12:29
Теглар: Фото
2246
Австралия табиий офат исканжасида (Фото)

2019 йилнинг октябрь ойларида ҳаво ҳароратининг исиб кетиши оқибатида Австралиянинг шарқий ҳудудларида бошланган ўрмон ёнғинлари ҳозирда Янги жанубий Уэлс ва Виктория штатларининг жанубий-шарқий қисм ҳудудларигача етиб келди.

photo5233409859561565622.jpg


7 миллион гектар ўрмон ҳудудини вайрон этган табиий офат оқибатида ҳалок бўлганлар сони 25 тага етган, 30 га яқин киши бедарак йўқолган. 480 миллион ҳайвонлар умрига зомин бўлди.

photo5233409859561565623.jpg


 

photo5233409859561565624.jpg

Қитъанинг жанубий ҳудудлари аҳолиси зудлик билан эвакуация қилинди, минтақага сайёҳлар ташрифи тақиқланди.

Табиий офат оқибатида 2 мингга яқин турар жой, 3 мингга яқин маъмурий ва хўжалик бинолари вайрон бўлди.


 


 

photo5233409859561565625.jpg

 

photo5233409859561565627.jpg

Кучли иссиқ иқлим таъсиридаги ўрмон ёнғинлари қитъа табиатига, хусусан, ҳайвонот оламига катта хавф туғдирмоқда.

Фақатгина Австралия қитъасида тарқалган, дунёнинг ноёб жонзотларидан ҳисобланган коалаларнинг ҳаётига катта хавф пайдо қилмоқда. Коала жонзотлари яшайдиган ҳудуднинг 30 фоиз қисми йўқ бўлган.

photo5233592215283019160.jpg
photo5233592215283019161.jpg

Ҳукумат томонидан уч мингга яқин ҳарбийлардан иборат ёрдам кучларини жалб этилишига қарамасдан, мана икки ойдирки, қитъадаги ўрмон ёнғинларини бутунлай бартараф этишга эришиб бўлмаяпти. Мамлакат Фавқулодда вазиятлар хизмати тахминга кўра минтақадаги ушбу тилсиз ёв офати яна бир неча ой давом этади.

photo5233592215283019164.jpg

Ҳавонинг ифлосланиш даражаси қарийиб 30 баробарга кўтарилиб, рекорд даражани қайд этган.

Қитъа тарихидаги энг йирик ўрмон ёнғинларидан бири бундан аввал 2009 йилда юз берган эди. Виктория штатида юз берган табиий офат оқибатида 181 киши ҳалок бўлган, 50 киши бедарак йўқолган эди. 

1983 йилнинг февраль ойида қитъанинг жанубий-шарқий минтақасида юз берган кучли ёнғин дунё тарихида “Кулга беланган чоршанба” деган ном билан тарихга муҳрланди. 

81230749_531421987477176_7282699847365296128_n.jpg


Табиий офат оқибатида 3 700 бино вайрон бўлган, 2 545 аҳоли бошпанасиз қолган, минглаб ферма ҳайвонлари ҳалок бўлган. 

Ана шундай дунё ҳамжамиятини қайғуга солган, жонли табиатнинг ҳалокатига сабаб бўлган ушбу офатга кўпчилик қатори дунёнинг машҳур инсонлари ҳам бефарқ қарамади.

Леонардо Ди Каприо, Николь Кидман, Пинк, Селеста Барбер каби Голливуднинг экофаол вакиллари молиявий ёрдам кўрсатмоқда.​

Инсоният, ҳайвонот ва наботот оламига таҳдид солаётган ушбу ёнғинлар туфайли ҳайвонлар инсонлар кўмагига муҳтож бўлиб яқинлашмоқда. 

Шарҳлар

Самарқанддаги “BestTravel” сайёҳлик компанияси Дубайдаги ватандошларимизга беғараз ёрдам кўрсатмоқда (Фото)

03.04.2020, 16:44

Самарқанддаги "BestTravel" сайёҳлик компанияси жамоаси ҳамда волонтёрлар билан ҳамкорликда ҳозирги пайтда юзага келган вазият туфайли Дубайдан ўз ватанига қайтиб кела олмаган Ўзбекистон фуқароларига 10 кун...
14 кунлик тиббий кузатувда бўлган 250 нафар юртдошларимизда Коронавирус аниқланмади, уларга уйларига қайтишга рухсат берилди

03.04.2020, 15:43

COVID-19 Коронавирус инфекцияси мамлакатимизга кириб келиши ва тарқалишини олдини олиш мақсадида бир гуруҳ ватандошларимиз хориждан қайтарилмоқда. Хусусан, “УФА-Андижон” 372-сонли поездида Россиянинг Москва, Оренбург, Санкт-Петербург ва...
“Махсустранс”нинг 574 та чиқинди йиғиш майдонлари ва 435 та махсус техникалари кунлик равишда дезинфекция қилинмоқда (Фоторепортаж)

23.03.2020, 14:31

Маълумки, Ўзбекистонда коронавирус инфекцияси тарқалишини олдини олиш мақсадида карантин эълон қилинганлиги ва бунга кўра барча давлат ва жамоат жойларида санитар-гигиеник қоидаларга амал қилиш чоралари амалга...
Самарқанд вилояти ИИБ ЙҲХБ ходимлари ҳайдовчиларга ниқоб тарқатмоқда

23.03.2020, 14:00

Самарқанд вилояти ИИБ ЙҲХБ ходимлари томонидан хавфсизлик учун ниқоб тақмай ҳаракатланган ҳайдовчиларни огоҳлантириб, уларга ниқоб тарқатмоқда. 
Кун мавзуси: Фото
Об-ҳаво: Ташкент
+11° небольшой проливной дождь
Валюта курси