my5
all

1 январь: Истеъмолчилардан сув қарздорлигини ундириш МИБдан янги ташкилотга ўтказилади

ЖАМИЯТ 27.11.2019, 17:27
Теглар: Уй-жой, ичимлик суви
680
1 январь: Истеъмолчилардан сув қарздорлигини ундириш МИБдан янги ташкилотга ўтказилади

 

“Аҳолининг ичимлик суви билан таъминланганлик даражасини ошириш ва унинг сифатини яхшилаш учун Ўзбекистон Республикасининг сув ресурсларини бошқаришни такомиллаштириш чора-тадбирлари тўғрисида” Президент Фармони қабул қилинди.

Фармонга мувофиқ, Уй-жой коммунал хизмат кўрсатиш вазирлиги Ягона давлат сув фонди сувларини ҳисобга олиш, мониторинг қилиш, хавфсизлиги ва сифатини таъминлашни мувофиқлаштириш соҳасида ваколатли давлат органи этиб белгиланди.

Шу муносабат билан вазирлик зиммасига бир қатор қўшимча вазифалар юкланди.

Жумладан, вазирлик сув балансининг ягона ахборот тизимини яратган ҳолда Ягона давлат сув фонди сувларининг миқдорий ва сифат кўрсаткичлари тўғрисида маълумотларни тўплаш, умумлаштириш ва тизимлаштириш орқали республиканинг ягона сув балансини шакллантиришни ташкил этади.

Вазирликнинг марказий аппарати таркибига Ягона давлат сув фонди сувларини ҳисобга олиш, мониторинг қилиш, хавфсизлиги ва сифатини таъминлаш каби масалаларга масъул бўлган вазирнинг биринчи ўринбосари лавозими киритилди.

Вазирлик марказий аппарати таркибида қуйидагилар тузилди: 

* Ягона сув балансини шакллантириш ва мониторинг қилиш бош бошқармаси; 

* Ягона давлат сув фонди сувларининг хавфсизлиги ва сифатини таъминлаш бошқармаси; 

* Сув таъминоти ва сув чиқариш тизимларига замонавий технологияларни жорий этиш бошқармаси. 

Фармонга кўра, “Ўзсувтаъминот” акциядорлик жамияти ташкил этилди.

2020 йил 1 январдан Мажбурий ижро бюросининг кўрсатилаётган сув таъминоти ва сув чиқариш хизматлари учун тўловларнинг тўлиқлиги ва ўз вақтида амалга оширилишини таъминлаш, истеъмолчиларнинг қарздорлигини камайтириш бўйича функциялари “Ўзсувтаъминот” АЖ ва унинг таркибига кирувчи ташкилотларга ўтказилади.

Шарҳлар

Уй олиш учун 254 меҳнат мигранти “labormigration.uz” дастурий мажмуасида рўйхатдан ўтди

19.03.2020, 18:05

Президентимизнинг 2019 йил 20 августдаги “Хорижда вақтинчалик меҳнат фаолиятини амалга ошираётган Ўзбекистон Республикаси фуқаролари ва уларнинг оила аъзоларини ҳимоя қилиш кафолатларини янада кучайтириш чоралари тўғрисида”ги...
Кун мавзуси: коронавирус
Об-ҳаво: Ташкент
Валюта курси