my5
all

Қашқадарёда ҳайдовчи машинаси билан эвакуаторга ортилди. ИИБ вазиятга изоҳ берди (Видео)

ЖАМИЯТ 22.11.2019, 17:27
Теглар: Видео
3691
Қашқадарёда ҳайдовчи машинаси билан эвакуаторга ортилди. ИИБ вазиятга изоҳ берди (Видео)

Қашқадарё вилояти ИИБ ахборот хизмати YouTube видеохостингида «Қашқадарёда ЙПХ ходимлари билан катта тортишув. Машина ҳайдовчиси билан эвакуаторга ортилди» сарлавҳаси остида жойлаштирилган видеога муносабат билдирди.

Таъкидланишича, мазкур видеодаги  ҳолат 12 ноябрь куни хизмат тақсимотига асосан вилоят ИИБ ЙҲХБ ЙПХ инспекторлари сафдорлар Э.Бўритошев ҳамда М.Жонузоқовлар «Қарши—Шаҳрисабз» йўлининг Яккабоғ тумани Оқтош қишлоғида хизмат ўтаб турган вақтида содир бўлган.

70 Y 339 JA давлат рақамли Nexiaавтомашинаси 3.24 йўл белгили («Юқори тезлик чекланган») 50 километр/соат тезлик чекланган жойда 60 километр/соат тезликда ҳаракатланиб келган. ЙПХ ходимлари буни Искра-Видео-2 русумли тезликни ўлчаш мосламаси ёрдамида аниқлаб, ушбуавтомашина ҳайдовчиси тўхтатилган. ЙПХ инспектори ҳайдовчига ўзини таништириб, содир этган қоидабузарлиги бўйича тушунча бериб, автомашина бошқаришга оид ҳужжатларини талаб қилинган. Автомашина ҳайдовчиси фуқаро Н.Қўйлиев ҳужжатларини тақдим қилмасдан ЙПХ ходимларидан хизмат гувоҳномаси, дислокацияси ҳамда Искра-Видео-2 тезликни ўлчаш мосламасининг сертификатини кўрсатишни талаб қилган.

Ҳайдовчининг талабига асосан ҳужжатлар тақдим этилгандан сўнг ҳайдовчи ЙПХ инспекторларига «радар ўзи қаерда, номерлари тўғри келадими, мени олдимга олиб келинг» деб айтган. Сафдор М.Жонузоқов «Агар ҳужжатларни тақдим қилмасангиз, маъмурий баённома расмийлаштирамиз», деганида ҳайдовчи «Йигитлар, булар менга тезликка айтишяпти. Қашқадарё вилояти Яккабоғ туманига қаердан келди бу базатқилар», деб ЙПХ инспекторлари билан тортишган. Сафдор М.Жонузоқов ҳайдовчининг талабига асосан тўрт нафар гувоҳ чақиртирганида ҳайдовчи ЙПХ инспекторига дислокацияда йўқлигини айтиб тортиша бошлаган.

Ҳайдовчининг талабига асосан чақиртирилган гувоҳ ўзини Темурмалик Каримов эканлигини айтиб, ҳайдовчидан ўзини таништиришни сўраган. Сафдор М.Жонузоқов ҳайдовчига «Ҳурматли ҳайдовчи, агар ижтимоий тармоқларга чиқарсангиз, қонун олдида жавоб берасиз», деб айтганида «Агар олса, мендан пулимни олади» дея ЙПХ ходимларига терс жавоб қайтарган. Шундан сўнг сафдор Э.Бўритошев ҳайдовчи М.Қўйлиевга маъмурий баённома расмийлаштирган.

Ҳайдовчи маъмурий баённома билан танишмагандан сўнг гувоҳлар иштирокида далолатнома расмийлаштириб, Маъмурий жавобгарлик тўғрисидаги кодекснинг 291-моддаси (Транспорт воситаларини ушлаб туриш ва кўрикдан ўтказиш асослари ва тартиби) ва ички ишлар вазирининг 2011 йил 31 май кунидаги 68-сонли буйруғининг 36-бандида «Ушлаб туриш сабаблари бартараф этилгунга ва маъмурий ҳуқуқбузарлик тўғрисидаги иш кўрилгунга қадар» деб кўрсатилганлигига асосан автомашина жарима майдонига қўйиш учун эвакуаторга ортилган.

Ҳайдовчи эса машинадан тушмасдан «Ҳурматли Президент Шавкат Мирзиёев! Яккабоғда яна бир нохуш ҳолат, ўзингиз буларга жазо қўллайсиз» деб видеотасвирни якунлаган.

Мазкур ҳолат юзасидан вилоят ИИБ ЙҲХБ масъул ходимлари томонидан хизмат текшируви ўтказилмоқда.

 

Шарҳлар

“Коронавирусдан вафот этган беморнинг мурдаси 15 соат шифохонанинг ичида турди”. Ғузорда карантинга ёпилган шошилинч тез тиббий ёрдам бўлимида вазият ёмонлиги айтилмоқда (Видео)

02.07.2020, 15:01

Ғузор туман Тиббиёт бирлашмасига қарашли шошилинч тез тиббий ёрдам бўлими ва жонлантириш бўлимида ишловчи бир гуруҳ тиббиёт ходимлари томонидан «Nasafnews»га мурожаат келиб тушган. Видеомурожаат йўллаган тиббиёт...
Тошкент шаҳридаги ошхоналардан бирида ёнғин чиқди (Видео)

02.07.2020, 12:54

Бугун, 2 июль куни соат 9:16 да Учтепа тумани, “Кўкча дарвоза” МФЙ ҳудудида жойлашган “Олмос жўжа” МЧЖ га қарашли ошхонада ёнғин келиб чиқди. Ёнғин натижасида ошхонанинг...
Пойтахтимиздаги такси хизматига электромобиллар кириб келиши кутилмоқда (Видео)

01.07.2020, 14:15

Пойтахтдамиздаги  такси хизматига электромобиллар кириб келиши кутилмоқда. Бунинг учун 500 та электр токидан қувват олиб ҳаракатланувчи автомобиллар харид қилинади. Экологик тоза ва ҳамёнбоп транспорт воситаси бир...
Тошкентда ИИБ ва Миллий гвардия ходимлари икки кишини нега куч ишлатиб олиб кетишди? (Видео)

25.06.2020, 13:08

Ижтимоий тармоқларда "СКВЕР" олдида ИИБ ва Миллий гвардия ходимлари икки кишини қувлаб, ушлаб, машинага куч ишлатиб "тиқиб" олиб кетишгани акс этган видео тарқалди. Мазкур факт...
Кун мавзуси: коронавирус
Об-ҳаво: Ташкент
+27° ясно
Валюта курси
10173.38
USD 0.62
11411.48
EUR 43.42
145.97
RUB -0.42