Kun.uz сайти жамоаси шаҳар ҳокими Жаҳонгир Ортиқхўжаев билан учрашди ва ўзаро тушунмовчиликка барҳам берилди.
Сўнгги кунларда ижтимоий тармоқларда ва маҳаллий интернет нашрларида Тошкент шаҳри ҳокими Жаҳонгир Ортиқхўжаев Kun.uz мухбирларини ҳақоратлаётгани, уларга жисмонан йўқ қилиш билан таҳдид қилаётгани акс этган аудиоёзув фаол равишда муҳокама қилинмоқда.
Шу сабабдан бугун, 17 ноябрь куни вазиятга ойдинлик киритиш мақсадида Kun.uz таҳририяти вакиллари ва Жаҳонгир Ортиқхўжаев ўртасида учрашув бўлиб ўтди.
Мулоқот давомида шаҳар ҳокимлиги ва сайт таҳририятига тааллуқли, юзага келган муаммоли масалалар муҳокама қилинди.
Шуни расман маълум қилмоқчимизки, мазкур мулоқот якунига кўра сайт жамоаси ва пойтахт ҳокимлиги раҳбарияти ўртасидаги барча тушунмовчиликлар барҳам топди. Томонлар бир-бирини тушуниб, ўзаро муросага келди.
Сайт таҳририяти ҳокимнинг ушбу вазият юзасидан билдирган мулоҳазаларини қониқарли деб топган ва ҳамкасбларига фаол қўллаб-қувватлаганликлари учун миннатдорчилик билдирган.
Шу билан биргаликда, сайт ходимлари бу масалани ортиқ муҳокама қилмасликни сўраган.
Аввалроқ, маълум бўлишича, мазкур таҳдид шаҳар ҳокимидан Олмазор тумани ҳокимининг собиқ ўринбосари Абдурасул Ваҳобов билан боғлиқ воқеанинг эртасига Kun.uz мухбирлари Раҳматилла Исроилов, Шерзод Эгамбердиев ва Баҳодир Аҳмедов ҳоким қабулида бўлган чоғда янграган.
Давлат, жамоат ташкилотлари, сиёсий партиялар Ортиқхўжаев билан боғлиқ ишга муносабат билдириб, Бош прокуратура томонидан аудиоёзувдаги овознинг Тошкент шаҳар ҳокими Жаҳонгир Ортиқхўжаевга мансублиги, қачон, қаерда ва қандай ҳолатларда юз берганлиги ҳамда бошқа ҳолатлар ўрганилаётгани ҳақида хабар берилганди.
06.02.2020, 20:49
Жорий йилнинг 5 феврал куни ижтимоий тармоқларда Наманган вилояти ҳокимлиги ходимининг фуқаро билан телефон орқали мулоқот чоғида одоб-ахлоққа зид бўлган сўкиниш ҳолати ёзилган аудиоёзув тарқалди.Вилоят...
18.12.2019, 20:39
Андижон вилояти ҳокими Шуҳратбек Абдураҳмонов вилоятдаги олий ўқув юртлари талабалари учун стипендия таъсис этди. Бу ҳақда ЎзА хабар берди.Вилоят ҳокими вилоятдаги олий ўқув юртларида таҳсил...
18.12.2019, 10:26
Навоий шаҳри ҳокимининг янги қарорига асосан оилавий ётоқхоналарда яшовчилар уйига меҳмон олиб келса, меҳмон учун ҳам алоҳида пул тўлаши жорий этилгани хабар қилинган эди. Ушбу...
17.12.2019, 11:44
Сенатнинг 25-ялпи мажлиси кўплаб қонун муҳокамалари ва янги тартибларнинг тасдиқланиши билан бирга яна бир қанча янгиликлар билан ҳам аҳамиятли бўлди. Хусусан, “Қалампир.уз” мухбири томонидан мажлисга йиғилган...
