Му5
46

Россия Латвиядан Алишер Усмоновга туҳмат қилаётган журналистни топширишни сўради

ДУНЁ 08.11.2019, 15:26
Теглар: Россия, Алишер Усмонов
385
Россия Латвиядан Алишер Усмоновга туҳмат қилаётган журналистни топширишни сўради

Россиялик терговчилар “Росбалт” нашри журналисти Александр Шварёвни қидирувга бериш ва ҳибсга олиш тўғрисидаги ҳужжатларни Интерполга тайёрлашди. Журналист туҳмат ва 3 миллион рубль таъмагирликда айбланмоқда. Бу ҳақда “Интерфакс” нашри хабар берган.

Маълум бўлишича, айни вақтда Шварёв Латвия пойтахти Ригада даволанмоқда.  

“Айни вақтда тергов томонидан Шварёвни халқаро, жумладан Латвия ҳудудида қидирувга бериш ва уни ҳибсга олиш бўйича чора кўриш тўғрисида қарор чиқарилган. Яқин орада ҳужжатлар Интерполга юборилади”, — дейилади хабарда.

Унинг таъкидлашича, Россия ҳуқуқ-тартибот идоралари шунингдек латвиялик ҳамкасбларига журналистни ҳибсга олиш ва уни Россияга экстрадиция қилиш ҳақида сўров юборишни режалаштирмоқда.  

Бундан аввалроқ полиция Шварёвга россиялик миллиардер Алишер Усмоновга туҳмат қилиш ҳамда қозоғистонлик тадбиркор, “Fincraft Resources” холдинги директорлар кенгаши раиси Кенес Ракишевдан 3 млн рублдан кўпроқ (50 минг доллар) пул талаб қилиш айбловларини қўйган. Биринчи айблов бўйича журналистга 5 млн рубллик жарима солиниши ёки 480 соатгача мажбурий ишлар белгиланиши, иккинчи айблов бўйича эса 15 йиллик қамоқ жазоси тайинланиши мумкин.

Терговга кўра, Шварёв Алишер Абдуллаев исмли шахс (у ҳам халқаро қидирувга берилган) билан бирга 2018 йил июлидан октябригача бир неча сайтларда гўёки Усмоновнинг оғир жиноятларга алоқадорлиги ҳақида ёлғон ахборотни жойлаштирган. Полициянинг ўрнатишича, бу маълумотлар ҳақиқатга мос эмас ва ёлғон, шаънга доғ туширувчи ҳамда тадбиркорнинг обрўсига путур етказувчи ва унга маънавий зарар етказувчи ҳисобланади.    

Бундан ташқари, Шварёв Абдуллаев ва яна бир неча киши билан бирга турли сайтларда қозоғистонлик тадбиркор Ракишевни фирибгарликда, жиноий гуруҳлар билан алоқадорликда ва бошқа жиноятларда айблаб, у ҳақида обрўсизлантирувчи ахборот жойлаштирган. Улар тадбиркор вакилларининг бу маълумотларни ўчириб ташлаш ҳақидаги илтимосини бажариш учун 50 минг доллар талаб қилишган, акс ҳолда тадбиркор ҳақида ёлғон ахборот тарқатишни давом эттириш билан таҳдид қилишган.

Шварёвнинг адвокати айбловни ясама деб ҳисоблашини, журналистнинг жиноий таъқиб қилинишини эса буюртма асосида амалга оширилаётганини айтган.

“Айблов мутлақ конкретлаштирилмаган, ясама ва асосга эга эмас, виртуал айблов деб айтиш мумкин”, деб айтган адвокат.

Унинг таъкидлашича, журналист ўзига қўйилаётган айбловларни тан олмаяпти.

Москванинг Тверь суди 11 ноябрда Шваревнинг сиртдан ҳибсга олиниши ҳақидаги даъво аризасини кўриб чиқади.

Шарҳлар

Россияда коллежда отишма уюштирган талаба ўз жонига қасд қилди (видео)

14.11.2019, 11:08

Россияда Амур қурилиш ва уй-жой коммунал коллежи талабаси (Благовешенск) ўқув муассасасида отишма уюштирди.Дастлабки маълумотларга кўра, йигит унинг номига рўйхатга олинган «Иж-81» ов милтиғини олиб кирган....
60 мингдан ортиқ бухоролик Москвада вақтинчалик меҳнат қилмоқда

12.11.2019, 22:54

Ҳозирда Москва вилояти ва шаҳрида 60 мингдан ортиқ бухоролик меҳнат мигрантлари вақтинчалик меҳнат фаолиятини амалга оширмоқда. Бу ҳақда Бухоро вилоятида Ўзбекистон ва Россия Ҳукуматлари ҳамкорлигида...
Санкт-Петербургда ўзбекистонлик йигит ногирон қизни зўрлади

11.11.2019, 18:07

 Санкт-Петербургда такси чақирган ногирон қиз зўрланган. Бу ҳақда «Фонтанка»га таяниб маълум қилинмоқда.Маълумотга кўра, 28 ёшли ногиронлар аравачасига михланган қиз 10 ноябрь куни полицияга мурожаат қилган....
Ўзбекистонлик ва тожикистонликлар хитойликларга нисбатан босқинчилик қилишди

08.11.2019, 13:36

Россияда Хитойликларга нисбатан босқинчилик қилган тўрт нафар Ўзбекистон ва Тожикистон фуқароларига суд ҳукми ўқилди. Бу ҳақда Челябинск вилояти прокуратураси маълум қилган.Улар Россия федерацияси Жиноят кодексининг...
Кун мавзуси: Фото
Об-ҳаво: Ташкент
+9° дымка
Валюта курси
rightuz