my5
all

ТЕЗКОР: Тошкентда ота-она 5 ёшли қизини дахшатли тарзда ўлдириб, кейин уни йўқолганлиги ҳақида хабар берди

ЖИНОЯТ 05.11.2019, 22:21
Теглар: Жиноят, Қотиллик, Тошкент шаҳар прокуратура, Бектемир тумани
3497
ТЕЗКОР: Тошкентда ота-она 5 ёшли қизини дахшатли тарзда ўлдириб, кейин уни йўқолганлиги ҳақида хабар берди

4 ноябрь куни фуқаро А.В. ҳуқуқни муҳофаза қилувчи органларга мурожаат қилиб, 5 ёшли қизи Д.К.ни Бектемир туманида жойлашган “Compass” савдо мажмуасида йўқотиб қўйганлиги ҳақида маълум қилди. Бу ҳақда Тошкент шаҳар прокуратураси хабар берди.

Тошкент шаҳар прокуратураси ҳамда Ички ишлар бош бошқармаси томонидан тезкор-тергов гуруҳи тузилиб, қизчани топишга қаратилган тадбирларга зудлик билан киришилди. 

Тезкор-тергов гуруҳи томонидан А.В. ва унинг шаръий никоҳдаги эри М.Ф.нинг кўрсатмалари шубҳа остига олиниб, қидирув тадбирларига қарамасдан фарзанди бир кун мобайнида топилмаганлиги сабабли, у қотиллик жинояти қурбони бўлганлиги тусмоли асосида дарҳол Жиноят кодексининг 97-моддаси 1-қисми (қасддан одам ўлдириш) билан жиноят иши қўзғатилди.

Олиб борилган тезкор-тергов ҳаракатлари натижасида аниқланишича, 25.10.2019 йил кечаси соат 03:00 лар атрофида эр-хотин Сергели туманида ижарада яшаб келган хонадонда спиртли ичимлик истеъмол қилишиб, фарзандини уриб, дўппослаб, қасддан ўлдирганлар. 

Сўнгра содир этилган жиноятларини яшириш ва жазодан қутулиш мақсадида, мурдани йўқотиш пайига тушганлар. Уни йўл сумкасига жойлаштириб, шу куни тонгда Тошкент вилояти, Бўстонлиқ туманидаги ижарага олинган дала ховлига олиб боришган. Мурда ўчоқда ёқилиб, сўнг ёнмай қолган қолдиқлари қопга солиниб, Чирчиқ дарёсига ташлаб юборилган.

Шундан кейин, улар ҳуқуқни мухофаза қилувчи органларни чалғитиш ва асл ҳолатни яшириш мақсадида, фарзанди бедарак йўқолиб қолганлигини “саҳналаштирганлар”. 

Ҳодиса содир бўлган жойни кўздан кечириш давомида Д.К.нинг мурда суяклари топилиб, ашёвий далил тариқасида олинган.

Жиноят иши бўйича А.В. ва М.Ф.лар қасддан одам ўлдиришда гумон қилинувчи тариқасида жалб қилиниб, Жиноят-процессуал кодексининг 

221-моддаси тартибида ушланди. 

Тергов ҳаракатлар давом эттирилмоқда, натижасига кўра қўшимча маълумот бериб борилади.

Шарҳлар

Пиротехника воситалари билан боғлиқ 14 та жиноят иши қўзғатилди

10.12.2019, 19:52

Бош прокуратура ҳузуридаги  Департамент органлари томонидан жорий йилнинг ўтган даврида пиротехника буюмларини қонунга хилоф равишда ишлаб чиқариш, тайёрлаш, сақлаш, ташиш, жўнатиш, улардан фойдаланиш, худди шунингдек...
Маст фуқаро 79 ёшли қарияни уриб, қўлидаги узугини олиб қочди (Видео)

03.12.2019, 18:25

Афсуслар бўлсинки, муқаддам судланган бўлишига қарамасдан айрим талончиликни касб қилиб олган кимсалар ўрганган номақбул қилмишидан ўзини тўхтата олмаяпти. Бу ишда ҳатто 80 ёшли қарияларга жабр...
Тошкентдаги 600 га яқин аҳоли учун 4 км.га ичимлик суви қувури ётқизилмоқда (видео)

06.11.2019, 14:15

Тошкент шаҳри Бектемир туманида 4 км.дан кўпроқ тоза ичимлик суви қувури ётқизилмоқда. Бу ҳақда Тошкент шаҳар ҳокимлиги матбуот хизмати хабар қилди. Маълум қилинишича, мазкур ҳудудда яшовчилар ичимлик...
Бухорода ичкуёв бўлиб яшаган 32 ёшли эркакнинг жасади осилган ҳолда топилди

04.11.2019, 23:42

Бухоро вилояти Олот туманида 5 йилдан буён ичкуёв бўлиб яшаган 32 ёшли Н.У. ўз жонига қасд қилди. Бухоро вилоят прокуратураси воқеа тафсилотларини Darakchi.uz'га маълум қилди.Н.У....
Кун мавзуси: коронавирус
Об-ҳаво: Ташкент
+37° ясно
Валюта курси
10184.73
USD 11.35
11455.78
EUR 44.3
142.48
RUB -3.49