my5
all

Эдвард Сноуден Глазго Университети ректори этиб тайинланди

ДУНЁ 19.02.2014, 16:06
2803
Эдвард Сноуден Глазго Университети ректори этиб тайинланди
АҚШ миллий ҳавфсизлик агентлиги собиқ ходими Эдвард Сноуден Шотландиядаги Глазго университети ректори этиб тайинланди. 

Январ ойининг бошида бир гуруҳ талабалар Сноуденни Глазго университети ректорлик сайловида номзодини қўйишган эди.  

Ректорнинг вазифасига талабалар билан иш юритиш ва уларнинг қизиқишларини университет маъмуриятига етказиш киради.  

Сноуден январ ойида адвокати орқали сайловда қатнашиш учун ўз розилигини берган. 
Сайловнинг 1-тур натижаларига кўра, Сноуденга 3124 нафар талаба овоз берган. 2-турда эса унинг номзодини 3347 нафар талаба қўллаган.  

Сайловда Сноуденнинг яқин тақибчиси Келвин Холдсуортга эса бор йўғи 1563 нафар талаба овоз берган. 
 
Ҳозирда Россияда сиёсий бошпана топган Эдвард Сноуденга АҚШ ҳукумати жисмоний зарар етказилмасликка ваъда бермади.
 
Маълумотларга кўра, Сноуден Россия Федерациясини тарк этмай ректорлик лавозимида фаолият юритиши мумкин.  
 
Бунгача Глазго университети ректори лавозимида 4 нафар чет эл фуқаролари фаолият юритишган: 1914-1919 йилларда Франция президенти Раймон Пуанкаре, 1987-1990 йилларда Нелсон Манделанинг рафиқаси Винни Мандела, 1962-1965 йилларда ЖАРлик Альберт Жон Лутули ва 2005-2008 йилларда исроиллик физик Мондехай Вануну.

Глазго университети Шотландиядаги энг катта ва эски университетлардан бири бўлиб, унга 1451 йилда асос солинган. Илк ректорлик сайловлари 1452 йилнинг 18 сентябрида бўлиб ўтган.

Эдвард Сноуден ўтган йилнинг баҳорида катта машҳурликка эришди. АҚШ миллий ҳавфсизлик агентлиги собиқ ходими ОАВ вакилларига маҳфий ҳужжатларни тақдим этган. Бу ҳужжатлар ёрдамида АҚШ Европа мамлакатларининг сиёсий шахсларини, интернет фойдаланувчиларни кузатишлари маълум бўлган.  

Шарҳлар

Кун мавзуси: коронавирус
Об-ҳаво: Ташкент
+30° небольшая облачность
Валюта курси
10173.38
USD 0.62
11411.48
EUR 43.42
145.97
RUB -0.42